Bir kəndli atla şəhərə düyü almağa gedib. Şəhərdə on iki kisə düyü alır. Düyünü satan tacir kəndliyə məsləhət görür ki, aldıqlarını hissə-hissə aparsın:

- Sənin atın on iki kisəni birdən apara bilməz. Səkkizin götür, dördü qalsın burda. Səhər gəlib apararsan.

Ancaq kəndli razılaşmadı:

- Mənim atım çox qocadı. Heç səkkiz kisəni də apara bilməz. Altısını o aparar, altısın özüm daşıyaram.

Belə də edir: altı kisəni atın belinə qoyur, altısında öz belinə sarıyıb minir ata. At bir iki addım atandan sonra dayandı. Onun kəndə qədər getməyə gücü qalmamışdı. Bundan hirslənən kəndli qışqırır:

- Yaxşılıq bilməz heyvan. Başqaları atın belinə səkkiz kisə qoyur. Ancaq mənim buna yazığım gəlir. Altı kisəni o aparır, altısın mən.

Kamakura dövründə (Yaponiyada bu dövr 12-ci əsrin sonu, 14-ci əsrin əvvələri hesab edilir) çaydan keçən məmurun nökərlərindən birinin əlindən təsadüfən on mon (xırda pul) pul çaya düşür. Məmur durmadan adamlar tutdu və xırda pulu çayın dibindən çıxarmağı əmr etdi. Kənardan bu mənzərəni müşahidə edən bir nəfər məmurun bu hərəkətinə belə qiymət verdi:

- On mon pulun qeydinə qalır. Buna görə adamlar tutur, artıq xərc çəkir. Axı bütün bunlar on mondan xeyli artıq pul edəcək.

Bu sözləri eşidən məmur belə cavab verdi:

- Bir çoxları belə hesab edir. Ancaq bəziləri qənaət xətrinə xəsislik edirlər. Lakin xərclənmiş pullar batmır. Onlar dünyanı fırlanır. Ancaq suda batan on mon dünya üçün itirilmiş olacaq. Bax əsl qənaət budur!

Bir nəfər on beş yaşlı qızın özünün otuz beş yaşlı dostu ilə evlənməsini istəyir. Lakin o qızın valideynlərinə dostunun əsl yaşını demir. Bir müddətdən sonra qızın valideynləri oğlanın həqiqi yaşını bilib qızlarını ona verməkdən imtina edirlər. Bunu görən qarşı tərəf məhkəməyə müraciət etməli olur. Məhkəmə tərəfləri dinləyib qızın valideynlərindən niyə sözlərindən qaçdığını və qızlarını ərə vermək istəmədiklərini soruşur. Qızın valideynləri aldandıqlarını deyirlər:

- Biz oğlanın qızımızdan iyirmi yaş böyük olduğunu bilmirdik. Əgər o qızımızdan heç olmasa iki dəfə böyük olsaydı, yenə razı olardıq.

Hakimin valideynlərə cavabı belə olur:

- Qoy siz deyən olsun. Qızınızı ona beş ildən sonra verərsiniz. Onda o sizin qızınızdan iki dəfə böyük olacaq.

Bu qərardan hər iki tərəf razı qaldı. Həqiqətən də müdrik qərar idi!

Bir dəfə dörd rahib dağın ətəyində yerləşən məbəddə yeddi gün susacaqları ilə bağlı qərar verirlər. Onların yanına ancaq xidmətçi oğlan gəlib vacib olanları gətirirdi. Ancaq axşam düşəndə rahiblərin oturduğu yerdə lampa sönməyə başlayır. Lampaya yaxın oturan rahib bundan narahat olub qışqırdı:

- Ay oğlan, lampanın fitilin qaydaya sal.

Onun yanında oturan rahib bunu görəndə dedi:

- Bəs demişdin danışmayacam?

Onun da yanında oturan rahib yoldaşlarının danışdıqlarından əsəbləşib dedi:

- Siz necə adamlarsınız?

Bundan sonra rahiblərdən ən böyüyü özündən razı halda dilləndi:

- Ancaq mən axıra qədər susa bildim.

Öz dövrünün ən yaxşı qılınc oynadanlarından biri olan Bunqoro Xikida karyerasının əvvəlində Karatsu sarayına gedib orda qulluq etmək istəyib. Saraya çox yorğun və ac vəziyyətdə çatır. Saraya çatan kimi o öz məharətini və bacarığını sübut etməkçin döyüş keçirməli oldu. Ancaq elə birinci döyüşdə az qala həyatını itirəcəkdi. Sarayın qapısından bayıra atılan Xikida meditasiya mövqeyini tutub. Onun hərəkətsiz vəziyətdə otuz saat qaldığını görən saray keçikçiləri Xikidanı qovmaq istəyirlər. Ancaq Xikida bir dəstə əsgər və keşikçinin hamısını məğlub edir. Lakin heç birini öldürmür. Bundan sonra o yenidən oturub ona hücum edənlərin qorxaqlığına bərkdən gülməyə başladı. Bundan sonra cəsur qılınc oynadan yeddi döyüş keçirib hamısında qalib gəldi. Bu döyüşlərdən sonra sarayın qapıları onun üzünə açıldı və Xikida işə götürüldü.

 

Xeyr və şər haqda pritça

Gənc oğlan müdrikin yanına gəlib onu şagirdliyə götürməyi xahiş edir.

Müdrik ondan soruşdu:

- Yalan danışa bilirsən?

- Əlbəttə ki, yox.

- Bəs oğurluq edirsən?

- Yox.

- Adam öldürə bilirsən?

- Yox...

- Onda get bütün bunları dərk et. Dərk edəndən sonra isə bunların heç birini eləmə.

1- 2- 3 - 4- 5 - 6 - 7 - 8 - 9 - 10 - 11 - 12 - 13 - 14 - 15 -16