15 faizlik sehr
Başqa dünyalarla əlaqələri sürüşkən olanların qorxuyla oxuyacağı mövzu


Bu yaxınlarda Minskdə «başqa dünyalara» girməyə icazə kağızını maşının ön şüşəsinə yapışdırıb şütüyən maşınlar nəzərə çarpmağa başlayıb. Bu kağızları elə düzəldiblər ki, ilk baxışdan heç nəylə diqqəti cəlb etmir. Yəni ki, Belorusiya administrasiyasının verdiyi başqa kağızların rəng-rufundadır və saxta olduğunu ilk baxışdan duymaq olmur. Amma sonra yaxınlıqda saxladılmış maşının şüşəsinə məşumcəsinə yapışmış kağızın düz gözünün içinə diqqətlə baxası olsan əvvəl heyrətlənir sonra hiddətlənə bilərsən. (Əskinə də ola bilər)
Başqa dünyalara girməyə icazə kağızında yazılıb ki, «Bu kağız sürücüyə hazırki qalaktikada, eləcə də bütün planetlərarası sistemlərin, peyklərin və asteroidlərin ərazilərində dayanmağı icazə verir». Bu kağız sürücüyə sadalananlardan əlavə bəşəriyyəti kosmik ənginliklərin ən dərin nöqtələrində təmsil etmək hüququ verir. Maraqlıdır ki, bu kağızı maşınına yapışdırıb gəzən sürücüdən kimsə soruşmurdu ki, «Bu nədir bura yapışdırmısan? Nəyə lazımdı, bu hüquqlardan kimsə istifadə edirmi? Bu imtiyaza görə kimin qarşısında cavab verməli olacaqsan? Ya da bundan hamıya olarmı?». Heç kim bu sualları vermədi və kağızın bir zarafat olduğunu bilənlər də sürücüyə bir kəlmə də demədi. Çünki insanlar özlərində başı çıxmadığı məkanlara burnunu soxmamaq kimi təbii instinktiv reaksiya yaradıblar. Başqa dünyalar üzrə mütəxəssislərimiz hələ ki, yoxdu.
Elə həmin səbəbdən də bütün informasiya saytlarında «təbiətin sirrləri», «müəmmalı», «sirrli», «izahedilməz» kimi adlandırılmış rubrikaların oxucusu başqa bölmələrdən çox olur. İnsan bütün sirlərdən agah olmaq arzusundadı. Ona görə də bir neçə qəza dalbadal baş verən kimi qiyamət gününün əlamətlərini zərgər dəqiqliyilə sadalayan yazılar peyda olur. Sonra kimsə, nə bilim hansı əsrdə, kiminsə qədim mağaranın divarlarında cızdığını öz gözləriylə görənin nəticəsi xatirələrini bölüşməyə başlayır. Ya da ki, bir neçə reys daldadal qəzaya uğrayan kimi hamının işi indiyədək rahat oturmuş dünyalara düşür. Tədqiqat aparan kim, öncəgörməlik edən kim…
Bu yaxınlarda Rusiyada baş vermiş təyyarə qəzaları sirli və insan taleyi üzərində hökmlü dünyalara bir daha soxulanların yeni dalğasını yaratdı. Sən demə bütün dünya bununla maraqlanır və tədqiq edir. Söhbət qəza baş verəcək təyyarələrə, qatarlara gecikən xoşbəxtlərdən gedir. Əlbəttə, sağ qalmış adam və onun qohumları üçün bu fakt sehr kimi görünür. Məlum olur ki, hansısa bizə məlum olmayan səbəblərdən qəza baş verəcək nəqliyyat vasitəsinə gecikənlərin faizi daha yüksək olur. Kiminsə yuxusuna rəhmətlik nənəsi girir və xəbərdar edir, o birisi olacaqları röyada görür, başqa birisi isə yuxuya qalıb gecikir. Dindar adamlar bunu bir cümləylə izah edir: «Allahın işidir!». Onlar çiynimizdəki mələklərin bu məsələyə birbaşa dəxli olduğunda əmindir. Bəzilərin inamı var ki, başımızın üstündə hərəyə bir qoruyucu mələk bizimlə bərabər gəzir. Qəzalar o vaxt baş verir ki, bu mələk bizdən aralı düşüb, ya da məsəlçün tindəki su dükanından sərinləşmək üçün kvas almağa gedib. Bu izahla qane olmayanlar, yəni ki, o dünyalarda da eşələnməyi sevənlər bir az da dərinə qaçmağa üstünlük verir: «Niyə, necə oldu, hansı səbəbdən, niyə məhz mən?!». Qəzaya xoşbəxt təsadüfdən düşməyənlərin sayını və tezliyini riyazi dəqiqliklə ölçənlər də var. Paralel dünyaların bizim işimizə nə qədər müdaxilə etdiyini ölçmək istəyi hələ 1958-ci ildə amerikalı sosioloq Ceyms Stauntonun ağlına gəlib. Son 30 ildə baş vermiş 200 qatar qəzalarını tədqiq edərək aşkarlayıb ki, həmin qatarlar 61 faiz dolu olurmuş. Adi günlərdə isə qatarlar 76 faizə qədər dolu olur. Yerdə qalmış 15 faiz uğurun, təsadüfün, ya da başqa dünyaların müdaxiləsinin payına düşür. Qəzaya düşmüş təyyarələrin statistikası elə Qərbdə daha artıq olduğundan bu rəqəmlərdən yararlanaq. Qəzalı reyslərə biletlərin 18 faizi geri qaytarılır. Ada günlərdə isə bu rəqəm heç vaxt 10 faizi ötmür.
Xristian kilsəsi bu məsələdə, yəni insan taleyinə müdaxilə məsələsində mələkləri də dərəcələrə bölüb. Mələk dərəcələrinin 9 olduğu deyilir. İnsanlarla təmasda olanlar ən aşağı dərəcəlidir, yəni ki, mələklərin piyadalırıdır. Belə bir inam da var ki, ölmüş adamların ruhları da bəzən insanların köməyinə gəlir. Əlbəttə, maddi dünyanın hakim olduğu zamanda qanadlı mələklər, xilaskarlar, xeyirxahlar barədə əfsanələr yaranmaya bilməz. O biri tərəfdən də maddi həyat və onun ən koloritli simvolu olan pul həyatımızın bütün tərəflərini zəbt eləyir. İndi pula da abidə qoyurlar. İyun ayının ortalarında Krasnoyarskda 10 manata abidə açıldı. Sanki küçədə kiminsə cibindən düşmüş kimi yerə sərilmiş kağız onluğun 2, 5 matr uzunluğu, 1 metr eni var. Əyilib götürə də bilərsiz. Amma yerə sərilmiş abidəni, hətta canlı variantını da insanlar 15 faizlik sehrə aid etmir.

 

Seçilmiş
Bir etüd və üç nöqtə…
Özümə məktub
On beşinci daş
Röya
Məyusluq bayramı
Böyük səhər sindromu
Çay buxarı ilə meditasiya
Çəhrayı duman
Bir çimdik qırmızı
Qəribə adamlar
Vətənə daş, yoxsa başına daş
Ermənilərə minnətdarlıq
Fakir, foxsa fağır?
İlmələr və qarmaqlar
«Cherchez la femme»
Sevgi naminə
Azadlıq simfoniyası
Palçığa bulaşmış libido
Tənha doğulmuşlar
Utanıram
Susuz balıq
Yaxşı qızlar cənnətə düşür?
Həmişə yubanan sonra
«Keep smiling»
Döyə-döyə
Qurama dünya
«Das Ist Fantastisch!!!»
Milli striptiz
Tutti
Sevgi adlı boyat nağıl
Cəmi bir kadr…
Çağdaş folklor necə yaranır
Zümzümə
Ağ kağız, yoxsa bahalı kətan?
Qum saatı
Kişi üslubunda köşə
İntəhasız meymunlar teoremi
Özüm...
Yuxu dəyərində kopyalar
Ad günü
Güllü günlər
Arvadbazlardan kömək
Şantrapa
Küçələrə su səpmişəm
Darıxmağın min bir rəngi
Danışmaq, yoxsa çərənləmək?!
Qranj
Çeynənmiş ikebana
Bütün yaxşılıqlara ölüm!
Sadizm
Rəqs dərsi
Qəlbi şikəstlərə sədəqə vermirlər
İmpression baxış
Nü...
Etiraf
Peyzaja sıçrayış
Siz deyən olsaydı…
Zorlanmış şəhər
Çılpaq qadın silahdan da güclüdü
Kərtənkələlər
Mənim «mən»im
Nənələr və nəvələr
Qaçan qurbağaların nağılı
Günəşi öldürənlər
Qadın qəddarlığı
Boz şəhərin boz adamları
Səninçün
Şükranlıq
Qanla yuyulan günahlar
İrəli, meymuna doğru!
Qurama üslubunda məntiqsiz köşə
Ağ və Qara
Açar dəliyindən görünənlər
Xoşbaxlığ…, xoşbaxlığ .., yenə də xoşbaxlığ…
Plaqiat, oğurluq, yoxsa abırsızlıq?