Xoşbaxlığ…, xoşbaxlığ .., yenə də xoşbaxlığ…
Xoşbaxtlıq barədə hərənin öz təsvvürü var


Ölkəmizdə hası xoşbəxt olmalıdı. Bu vətəndaşın hüququ yox, vəzifəsidi. Xoşbəxt olmamaq təxribat, xoşbaxtlığını etiraf etməməksə Vətənə xəyanət və böhtandı. Bu zaman adi vətəndaşın ürəyində «Necə xoşbəxt olmalı?» və «Xoşbaxtlıq nədir?» kimi təbii suallar doğacaq. Belənçik suallara hamilə (hamil) vətəndaşı cavabsız qoymaqmı olar? Xalqın səadəti yolunda Divan(ə) partiyası hər əziyyətə qatlaşmağı özünə vəzifə bilir. Beyninizi sualalrla doldurmaqdansa hamı bir nəfər kimi qərara riayiət etsə tam və … xoşbəxt olacaq.
Qərarın qısa xülasəsi:
1. Hamı evdən çıxanda çəhrayı eynəklərini geyməlidi ki, hər şeyi öz rəngində görə bilsin.
2. Vətəndaşlardan tələb olunur ki, üzünün ifadəsini xoşbəxt məmləkətə xarakterik cizgilərə uyğunlaşdırsın. (Güzgü qarşısında məşqləri gələn nömrələrdən birində ətraflı şərh edəcəyik.)
3. Göz yaşları oyada bilən musiqilər, filmlər, bədii ədəbiyyat və rəsm əsərləri xalqın xoşbəxt güzaranına xələl gətirə biləcəyindən qadağan olunsun. Teatr kədərli obrazları ifadə edən maskalar yeniləriylə əvəz olunacaq. İnnən belə cib dəsmallarından yalnız burun suyunu silməkçün istifadə edələcək.
4. Kənd yerlərində, yaxud qaz gəlməyən rayonlarda ocaq külündən yalnız bəzi təyinatlarçün istifadə edilsin. Məsələn qazan sürtmək, saz altına çəkmək, Hüquq mühafizə orqanlarına tapşırılsın ki, bəzi ürəkdən xoşbəxt ola bilməyənlərin bu külü başına tökməsinə nəzarət etsin.
5. Üzündə gülüş olmayan abidələrin yenidən yonulması məqsədəuyğun sayılsın. 0
6. Dilimizin leksikasından əzab-əziyyət, kədər, hüzn ifadə edən sözlər çıxarılmalıdı. Qara sözüylə başlayaq adlar, soyadlar, coğrafi adlar yeni ləriylə əvəz olunmalıdı.
7. Faciə janrı qadağan olunduğundan bütün əsərlərin sonluqları «həppi end»lə bitməli, musiqidə yalnız major səslənməlidi.
8. Matəm mərasimləri xalqın yaddaşından silinməli, ağılar, mərsiyələr bir janr kimi məhv edilməli yaxud yeni tələblərə uyğyn xoşbəxt intonisiyalarla səsləndirilməlidi.
9. «Vətən mənə nə verib?» sualını dilinə gətirənlərin dili kəsilməli, bundan sonra kədərli baxışlarla baxmağa cəsarət edərsə gözləri də çıxarılmalıdı.
10. Xalqın ürəyi dükan yuxası kimi yox, Fatmanisə nənənin yuxaları kimi nazik olmalı, çırtma vuranda qanı yox çex bülluru kimi təmiz si bemol səsini çıxartmalıdı.
11. Sevgi müraciətlərinə etinasız yanaşanlar xüsusilə cəzalanacaq. Nümunə olaraq Braziliya və Arqentina seriallarındakı qəhrəmanların davranışına baxmalı.
12. Qız qapısı naz qapısı məsəli də artıq işlədilməyəcək. Xoşbət məmləkətdə oğlanı qız qapısından şirin çaysız qaytarmazlar.
Hər kim xoşbəxt olmasa günah onun özündədi. Hünərin var xoşbəxt olma!
Ağıllı olun, xoşbəxt olun. Əgər sizə elə gəlirsə ki, xoşbəxt deyilsiniz, heç olmasa ağıllı olun.

 

 

Seçilmiş
Bir etüd və üç nöqtə…
Özümə məktub
On beşinci daş
Röya
Məyusluq bayramı
Böyük səhər sindromu
Çay buxarı ilə meditasiya
Çəhrayı duman
Bir çimdik qırmızı
Qəribə adamlar
Vətənə daş, yoxsa başına daş
Ermənilərə minnətdarlıq
Fakir, foxsa fağır?
İlmələr və qarmaqlar
«Cherchez la femme»
Sevgi naminə
Azadlıq simfoniyası
Palçığa bulaşmış libido
Tənha doğulmuşlar
Utanıram
Susuz balıq
Yaxşı qızlar cənnətə düşür?
Həmişə yubanan sonra
«Keep smiling»
Döyə-döyə
Qurama dünya
«Das Ist Fantastisch!!!»
Milli striptiz
Tutti
Sevgi adlı boyat nağıl
Cəmi bir kadr…
Çağdaş folklor necə yaranır
Zümzümə
Ağ kağız, yoxsa bahalı kətan?
Qum saatı
Kişi üslubunda köşə
İntəhasız meymunlar teoremi
Özüm...
Yuxu dəyərində kopyalar
Ad günü
Güllü günlər
Arvadbazlardan kömək
Şantrapa
Küçələrə su səpmişəm
Darıxmağın min bir rəngi
Danışmaq, yoxsa çərənləmək?!
Qranj
Çeynənmiş ikebana
Bütün yaxşılıqlara ölüm!
Sadizm
Rəqs dərsi
Qəlbi şikəstlərə sədəqə vermirlər
İmpression baxış
Nü...
Etiraf
Peyzaja sıçrayış
Siz deyən olsaydı…
Zorlanmış şəhər
Çılpaq qadın silahdan da güclüdü
Kərtənkələlər
Mənim «mən»im
Nənələr və nəvələr
Qaçan qurbağaların nağılı
Günəşi öldürənlər
Qadın qəddarlığı
Boz şəhərin boz adamları
Səninçün
Şükranlıq
Qanla yuyulan günahlar
İrəli, meymuna doğru!
Qurama üslubunda məntiqsiz köşə
Ağ və Qara
Açar dəliyindən görünənlər
Xoşbaxlığ…, xoşbaxlığ .., yenə də xoşbaxlığ…
Plaqiat, oğurluq, yoxsa abırsızlıq?